Ана тилим стихи на карачаевском

Обновлено: 04.11.2024

Гьар адамны оьз алдында
Инг де аслу борчу бар –
Ана тилин, ана элин
Анасындай якъламакъ,
Хапарсыздан тюшюп къалса,
Сынарындан къоркъагъан
Батманныдай, яхшы аяп,
Тюшме къоймай сакъламакъ.

Ана тил бир кёмек тарыкъ
Гиччи яшдай гёрюне:
Гьарибизден бир айрыча
Сююв, исив гёзлей о,
Тамур бошап, авма бакъгъан
Терек йимик бир-бирде
Гьарибизден кёмек тилеп,
Таяв, тирев излей о.

Ана тилни башын чёгюп,
Мунгайгъаны яш йимик,
(Шо вакътиде юрек сызлай,
Етти ерден гесиле)
Гьатта эки менмен деген
Къумукъ бири-бирине
Илыкъмайлы орус тилде
Сёйлейгенде сезиле.

Ана тилим, алтын тилим,
Арасында кёплени,
Жандай азиз анамныдай
Сюйме сени мен барман,
Ер юзюнде мендей сени
Сюер бирев бар чакъы
Къыл узюлюп, сагъа оьлюм
Етерине инанман.

Ана тилим, гюнеш йимик
Ярыкъ тилим, бай тилим,
Яда буса тангда янгъан
Акъ юлдузгъа ошайгъан…
Хадирингни билегенлер
Бар болсунлар, бар болсун
Сагъа артсыз алгъыш ёрап,
Оьмюр ёрап яшайгъан.

Ана тилим, алтын тилим,
Болгъур тилим, бал тилим…
Оьктем кюйде бугюн сени
Алдынгда баш иемен,
Къумукъ къандан тувгъанлардан
Тувгъанланы тилинде
Даимликге яшагъанынг,
Яшнагъанынг сюемен.

Портал Стихи.ру предоставляет авторам возможность свободной публикации своих литературных произведений в сети Интернет на основании пользовательского договора. Все авторские права на произведения принадлежат авторам и охраняются законом. Перепечатка произведений возможна только с согласия его автора, к которому вы можете обратиться на его авторской странице. Ответственность за тексты произведений авторы несут самостоятельно на основании правил публикации и законодательства Российской Федерации. Данные пользователей обрабатываются на основании Политики обработки персональных данных. Вы также можете посмотреть более подробную информацию о портале и связаться с администрацией.

Читайте также: