Зи лезги халкь стих

Обновлено: 22.11.2024

Зи руьгь,ашкъи,гьевес,зи беден,зи тан,
Зи фикир,зи кьатlун,зи уьмуьр,зи чан,
Инсанрин юкьа зун авунвай инсан,
Алай гуж,къуват зал,зи нефес,зи ял,
Чан зи верцlи тlеам,чан зи лезги чlал!

Зи ризкъи,зи суьрсет,зи вири,гьар затl,
Цавари заз гайи савкъватрин набат,
Зи бахт,зи хуш кьисмет,зи макъам,фирсат,
Гьиссер,къалабулух,рикlин къалмакъал,
Чан зи верцlи тlеам,чан зи лезги чlал.

Метлеб,эрзиман зи,зи сифте,зи гуьгъ,
Дегьзаман,зи къенин,зи пакаман югъ,
Зи халкь и чилерал атайлай кьулухъ,
Къургъарна хуьзавай зи къурух,багъ,сал,
Чан зи верцlи тlеам,чан зи лезги чlал.

Дидейрин лайлайрай авахьзавай вирт,
Зи мецен шекер,кьел,истивут,шивит,
Ви къадир течирди зигьиндай я кьит,
Зи сифат,зи эдеб,зи акьул,камал,
Чан зи верцlи тlеам,чан зи лезги чlал.

Бадеди ахъаяй заз,са мах я вун,
Кlеви физ вугузвач,гьеле ях я вун,
Гьикl лугьун лезги-низ къайи тах я вун?
Жеда жал ахьтиндаз дидед нек гьалал?
Чан зи верцlи тlеам,чан зи лезги чlал.

Уьмуьрдин рекьера зи маякдин гъед,
Душмандин вилин тагъ,ягъид рикlин сед,
Зун жедач ваз буьркьуь,вафасуз велед,
Вун я зи хазина,зи девлет,зи мал,
Чан зи верцlи тlеам,чан зи лезги чlал.
21.11.2020г.

Портал Стихи.ру предоставляет авторам возможность свободной публикации своих литературных произведений в сети Интернет на основании пользовательского договора. Все авторские права на произведения принадлежат авторам и охраняются законом. Перепечатка произведений возможна только с согласия его автора, к которому вы можете обратиться на его авторской странице. Ответственность за тексты произведений авторы несут самостоятельно на основании правил публикации и законодательства Российской Федерации. Данные пользователей обрабатываются на основании Политики обработки персональных данных. Вы также можете посмотреть более подробную информацию о портале и связаться с администрацией.

Читайте также: