Жамидин стихи на лезгинском языке

Обновлено: 26.03.2025

Машгьур шаир-сатирик Жамидин (Гьажимурадов Жамидин Гьа-Ькимурадович) 1934 - йисан 25-майдиз Докъузпара райондин Миграгъ хуьре дидедиз хьана. Ада хайи хуьруьн юкьван мектеб ва Москвада Литературадин институт куьтягьна. Гзаф йисара Лезги радиодин ва газетдин редакцийра кIвалахна. Алай вахтунда ам «Самур» журналдин редактор ва Дагъустандин СП-дин секретарь я.
Жамидина сифте шиирар гьеле мектебда келзавай йисара кхьиз башламишна. Ам Магьачкъалада ва Москвада лезги ва урус чIаларал акъатнавай 20-далай гзаф ктабрин автор я: "Къалгъанар" (1958), "Гьач-вач" (1964), «Са кIус хъвер» (1967), "Арада затI аваз хьурай" (1969), "Шаламра къван" (1970), "Гимишдин сас", "Регъуь хьайи спелар" (1976), "Сатирикдин хуьрекар" (1979), "Башуьсте" (1984), "Ваз ам чидач" (1994) ва мсб.
Жамидина лезги сатира ва юмор вилик тухуник вичин чIехи пай кутуна. Ам "Дагъустандин культурадин лайихлу работник" я. 1997-йисуз адаз "Ваз ам чидач. . ." ктабдай Дагъустан Республикадин Гьукуматдин премия гана.
Шаир РФ-дин писателррин Союздин член я.