Мен къумукъман шогъар оьктем юрегим стих
Обновлено: 05.10.2024
Мен Къумукъман, шогъар оьктем юрегим,
Мен къмукъман Къумукъ тюзде тувгъангъа,
Къумукъ ана чайкъагъангъа гьайлегим,
Ёлакъ бетим къумукъ ана жувгъангъа.
Гёзсюз эдим-гёз берген де къумукъ халкъ,
Айырсын деп мен акъ булан къараны.
Сёзсюз эдим-сёз бергенде къумукъ халкъ,
Сёз тапсын деп сав этердей яраны.
Къумукъ болмас менден. тилим таптасам,
Къумукъман деп къычирсам да нечакъы.
Мен къумукъман къумукъ тилде тап-таза
Сёйлеп болар авлетлерим бар чакъы.
Яшав толкъун ташляса да не якъгъа,
Мен халкъымсыз гёбукмендир сувдагъы.
Мен халкъымсыз гётерген бал аякъда
тамакъ бувар аччылыкъ бар увдагъы.
Мен къумакъман, къумакъ халкъдан айрылсам,
Эркин дейген дунья магъа таргъа да,
Аз халкъымны азман болуп герген гюн
Ярылажакъ юрек менде баргъада.
Мен къумукъман паспортума язгъандай,
Яшдан къумукъ къаным баргъа къумукъман,
Ватан учун тарыкъ болса.къызгъанмай
Берме къумукъ жаным баргъа къумукъман.
Миллетлени юлдузлагъа тенглесем,
Элим мени кёп юлдузлу кёк йимик,
Къумукъ халкъда бир юлдуз шо кёктеги,
Огъар бакъгъан сююв менде кёп бийик.
Къумукъ халкъны кёп сюйсем де, арекмен
Миллетлени минлигине тиймекден.
Кёкге бакъгъан уллу сююв башлана
Бир юлдузну айрыча кёп сюймекден.
Халкъым сюймен негьакъ тюгюль мен шунча,
Шо сюювзюз къалсам. къуванч къыт могъа.
Шо сюювню къыйыкъсытма къойгъунча,
Мен къоярман эки гёзюм сытмагъа.
Читайте также: