Къонах на чеченском стих
Обновлено: 04.11.2024
Ладог1ал цкъа соьга, "хьекъале корта",
Ладог1ал, яккхий д1а лергара потт:
Йист йоцу х1орд санна, бу хьуна шорта
Ша хууш волчунна вайн нохчийн мотт.
Мерза бу моз санна ша безачунна
Ламанан шовданал ц1ена бу и.
Лермонтовс, Толстойс а ладег1на цуьнга
Услара даггара хестина и.
Б1ешераш хийла д1а ихна, и бекаш,
Хьацарлахь, къийсамехь кхиъна и бу,
Кхоьллинчу халкъана сов хьанал бецаш
Даима ша хилла нохчийн мотт бу.
Ас хьан ч1абанех г1айг1а юцур ю,
К1айчу говрана туьйра дуьйцур ду,
Гуьйре тийжачу нохчийн аренгахь
Дашо г1арг1улеш новкъа йохур ю.
Ас хьан б1аьрхих цхьа илли доккхур ду,
Юьртан йисттехь цхьа ирзу доккхур ду,
Муьрг ц1ийх 1еначу нохчийн хьаннашкахь
Дуьне къинт1ера сайна доккхур ду.
Ас хьан б1арлаг1ех г1ала юттур ю,
Хилларш, лайнадерш сица луьттур ду,
1аьно къарйинчу нохчийн ярташкахь
Цхьа-цхьаъ дахарна дуьхьал х1уьттур ву.
Хаза хилла хьо кхин а хазлур ю,
Цхьалла лайна со къинойх ц1анлур ву,
Вайшиъ декъалдан, лаьттан 1аьнарлахь
К1айчу говро шен туьйра дохьур ду.
Дашо г1арг1улеш ц1ехьа йоьрзур ю,
Цара г1абали хьуна йохьур ю,
Б1аьсте йоьлучу нохчийн лаьмнашкахь
Ас хьан ч1абанех сайн ирс дуцур ду.
1а, шийла 1а, хьо дог1у бохуш,
Гуьйрено кхералой бецан бос хуьйцу,
Г1ора д1адолий диттийн г1аш оьгу.
Хьоьх а д1алечкъий ча набарна тевжа.
Цхьа долчу олхазарша мохк а ма хуьйцу,
Адамаш йовхонна г1айг1а бан х1уьтту.
Хьо дог1у бохуш хьан дийцарехь,
Ма буьрса сурт ду хьан кхоллалуш дерг.
Шийланиг и чилла ахь яхьа бохуш,
Буьрсаниг барзал -1аз хьоьца ю бохуш,
Муьлхачу хинах ахь ша-т1улг бо бохуш,
Ма буьрса сурт ду хьан кхоллалуш дерг.
Ткъа деана схьакхаьчча ахь цец а вокху,
Ма-к1еда, ма-тайна к1айн марха санна,
Дог- ц1еначу цу берийн делар а санна
Дайдолу хьайн чимаш ахь лаьтта хьоьрсу.
Гуьйренна цу махо шен г1аш а эгийна,
Муьстачу дог1ано ца кхоош дашийна,
Г1елделла лаьтта хьаннашкахь и дитташ,
К1айн г1абали а юх1ий ахьа ма-кечдо.
Х1ора га лоцуш, доккха-жима ца хоьржуш
Царна т1ехь 1уьллу уьш хазадеш.
Хьоьх лачкъа кечбелларш, хьуна т1ехь ловзу,
Луо гул а дой мижаргаш вовшашна кхуьссуш.
Читайте также: