Духовный стих плач богородицы

Обновлено: 25.12.2024

Знаменный роспев + Духовные стихи: публ.страница вернуться к странице

Ещё раз поздравляем с праздником Воздвижения Честнаго и Животворящего Креста Господня.

Плач Богородицы. Духовный стих

Стояше днесь при Кресте Пречистая Девая,
Умиленный плач сподвизаше, Сладчашии глас испущаше.

О Свете Пресветлыи, Заре присносущная,
Где Твоя зайде красота светолучная невечерняя?

Добровидныи Сыне Мой, сладчайшая доброто,
Где Твой вожделенный лица зрак, краснейшии Свете Мой?

О Божия мудросте, церковная сладосте,
Что се вижу зде преславное видение ужасное?

О свете великии, сладчайшии Исусе,
Где Твоя зайде красота, возлюбленне Сыне Мой?

Увы мне, свете Мой, дражайшая доброто,
Како Тя узрю Христе Царю на Кресте Тя распинаема?

О солнце пресветлое, сокрый ныне лучи своя,
Видя своего Создателя неправедно зде ныне страждуща.

О Иосифе преблаженне, сойми тело Исусово,
Положи е в гробе нове изсечене из камене.

Где Твой зрак пресладкии, сладчайшая доброто,
Како погребу Тя Сыне Мой безсмертнаго и предвечнаго?

Не рыдай Мене Моя Мати, востану бо из гроба,
Тебе вознесу со славою превыше всех горних и земных.

Воскресни Боже, Сыне Мой, тридневно от гроба,
Взыди ко Отцу на Небеса, судяи концем всей земли.

Тогда Тебе всяка тварь небесных и земных
Поклонится и прославит Царя веком и Зиждителя.

Читайте также: