Дондогой цырендулма цыреновна стихи
Обновлено: 03.07.2024
Баhал шам тухай дууланам
(улхоо шулэгууд)
Эрын ёhоор зориhондоо хурэхоор
Эдитэй байhан бэшэл аад унэхоор,
Яахадаа сэдьхэлэйм найдал бадараажа,
Ягаахан тэрэнги ургуулhан хумши?
Туймэр шэнгихэн дуранайм галhаа
Тудэгэсэн hурдэжэ угы болохо аад,
Уянхан сэдьхэлэйм найдал бадараажа,
Улаалзай юундэ тариhан юмши?
Сэдьхэлэйм арюуниие сэгнэжэ шадахаар
Сэнэгтэй байhан бэшэхэн аад,
Алагхан зурхэнэйм найдал бадараажа,
Анханhаа юундэ дутэлhэн хумши?
Хам гэтэр шамайе гартаа оруулхаар,
Хаба намдаш байгаагуй гээ гуш даа?
Хамаг сэдьхэлыеш дууhан эзэлжэ шадамаар
Халуун зурхэншье намда биил hэн даа.
Хатан абгайншни нюдэнhоо далтирангуй – сэхээр
Хаража шадаха зоригшье дута бэшэл даа.
Хаб хара бодолоор сэдьхэлээ билтаргаад,
Хара амияа харанхаар гээд, орхёогшоб даа…
Огторгой хурэтэр оодоо hурэлгэн,
Оройдоош бэлэхэн бэшэ байба гу?
Оёоргуй нухэ руу унахаа байhандал,
Оодорхоо болин, хии мориншни айба гу?
Уулын хормойгоор намар нэгэтэ ябатараа,
Улаалзайн хэнзэлhые хараад гайхаа бэлэйб.
Улаалзайе хайрлан уяржа досооhоо байтараа,
Уулзаhанаа шамтай гэнтэ hанажархёо бэлэйб.
Намарай хэнзэ сэсэгхэн хюрууда хулдоод,
Наршын хосорhон байгаал юм ааб даа.
Намарай улаалзай мэтээр дурамни мундэлоод,
Намайе яатараа зобоогоо юм hааб даа?
Хуринхэн хээртээ мордоод,
Хурэжэ намдаа ерэдэг hайш.
Хамагхан бодолойш нюусые
Харахан нюдэн соош харадаг hайб.
Унгэрhэн жэлнуудээ ямараар
Удэшэдэг байгаабши гэхэжэ,
Унэхоороо жутоорхэн асуугаа hааш,
Унэнииень хоорэхэлби эбхэжэ.
Холош даа намhаа,
Холош даа.
Хоногшын газаршье hаа,
Холол даа.
Мушэтэн наранда яларhан
Мунгэхэн гааhа шамхандаа
Зуудэндээ бэлэг бариhамни
Зунтэйхэн байха гу, яаахаб даа?
Улаанхан нюураараа нэгэхэншье
Уулзахаб шамтай ушоо гэн,
hузэгтэйшуулэй нэгэн бэшэхэн аад,
hузэглэн, зуудэндээ унэншоо хум.
Мунхэ бэшэ наhан хоронол даа.
Муноодэр – минии турэhэн удэр.
Харахан нюдэ руумни шэртэн,
Хажуудам шимни зогсоногуйш даа.
Намда бэлэгшье хэрэгтэй бэшэл,
Намда шинии энхэрэл хэрэгтэй.
Энэ дэлхэйдэ ямаршье бэлэг
Энхэрhэн сэдьхэлдэш оройдоо хурэхэгуйл.
Мунхэ бэшэ наhан хоронол даа,
Муноодэр –минии турэhэн удэр.
Миhэлзэн шимни ойром зогсоногуйш,
Минии зурхэн гуниглана шамгуй.
Читайте также: