Даргинские песни в стихах
Обновлено: 05.10.2024
Чинара нур берхIила
Дуилив хIела хIерла,
Алкули ахIен шалда
ХIу шав агариубла.
ИкI Кьудратла ВегIалра
Чинав валикибара,
ХIечи илгъуна танбихI
Чили бакIахъибара?
Хъябшдиубара улас
Закра зурба ванзара,
ХIела уркIи тIашаэс
Се сабаб биубара?
Гьачам чебаирагу
Нуни берхIи бисули,
Ил гIяламат биубси
ХIед ажал даибхIелив?
ДяхIила пусли кьяйда
ДицIули зубартира,
Марлира бацIкабухъун
Дугила зурба Закра.
ХIергъула хIела тIама
Къайдикиб булбултира,
ХIела хIер беткахъила
ПулукIдиуб вавнира.
Дисули сар цагьакIли
Зубрира иш ванзара,
Илдас икрамбикIуси
Ишав агариубла.
РухI дедили къаркъара
МицIирбарес рирусра,
РухI духIнарси жан севан
Къаркъа бетаурара?
ХIулби шалали хьалли
ГIякьлулизиб сукъурти,
Чархлизиб уркIи лебли
Леб къаркъаван кьутIати.
Кани белкъунхIелира
ХIер белкъес хIебиранти,
Дуклуми хIедиалра
Леб арцес ахъбиранти
АлкIули саб гIуррара
Дила пашманси далай,
Ахиратлизирадли
ХIуни дурхьула наб гъай.
Далай ахирагарси
УркIила цIум аурси,
ЦIелдалиуб цIуэри
Наб макьам бетаурси
Лугилизиб хъалтаван
Хъу дуэс гьаббакIибси,
Кьадариубри набра
Кьисмат кьутIкьубарибси.
Аргъила хIуни дила
КарцIай тIутIударнила,
ТIутIудиуб тIутIиван
Заклизир зубартира.
Аргъила хIуни дила
Дигай кьутIкьударнила,
АтхIебла гулвавназиб
КьутIкьубиуб варъара.
Опубл.
Абухъунгу бяргIили
ШуцIайчиб ванал берхIи,
ХIед кьабулхIебиубли
Дила дигайла берхIи.
Дай дугила шалал бац
БакIиб шала агарли,
Дила карцIайла шала
ХIуни халхIедарили.
Шишимайра дардлира
УркIи вязкабирули,
ХIябилра кьакьалира
ГIямру хIябцкадикIули.
ЦабехIтас дардла дунъя
ЯхIлис дарман бужули,
Итдилтас кепла дунъя
Кеп-чеклизиб бумхIули.
Давла бикIар, арц бикIар
Сари арцурли ардукь,
Дила давла далай саб
Азирлара дард арку.
Анкъаниб цIалис кьадин
Далай ванабикIахъис,
Гьаргалар чатIнас кьадин
Макьамти зайдикIахъис.
Батирай, хIела далай
Дунъяли хIебикьули,
ГIурра садакьачиби
Леб гая кабикIули.
УркIбазиб цархIилла децI
РурцIули хIербиранти,
ГIямалагарли гIямру
ЯхIбихIули дуркIанти.
Читайте также: